موقف يتكرر كثيراً للأم المصرية المشتركة في جروب على الواتساب مع أمهات زملاء ابنها أو بنتها في الفصل :
احدى الأمهات: ابني بيقول ان صفحة كذا وكذا واجب
باقي الأمهات بعد مشاورات مع ولادهم: لا .. ابني بيقول مش واجب
ويفضلوا يتناقشوا على الشات .. واجب .. مش واجب .. وينقسموا لفريقين:
فريق من الأمهات يمشوا ورا كلام ولادهم ووجهة نظرهم ان حتى لو طلع واجب هيتعلم من خطأه ويركز بعد كده في الفصل
وفريق تاني من الأمهات هتخاف ان ابنها يتعاقب وعايزاه دايماً perfect فهاتقوله أصحابك بيقولوا الصفحات دي واجب وأكيد انت اللي مش مركز أو ماخدتش بالك فلازم تعملها .. يا ماما أنا عارف انها مش واجب .. لا هي واجب ولازم تعملها .. وتجبر المسكين انه يعمل واجب غير مطلوب
كده هي تسببت من غير ما تقصد وبحسن نية تماماً في عدة مشاكل لابنها:
1- هي كده نقلت له بصورة غير مباشرة عدم ثقتها فيه وانها شايفة انه محتمل جداً يكون مش مركز في الفصل أو مش متابع مع المدرسين وده نتيجته الطبيعية -مع التكرار- انه يتأصل جواه الشعور ده فعلاً ويبدأ يشك في نفسه وممكن يوصل انه مايركزش فعلاً ويبدأ مرحلة تشتت انتباه كان السبب فيها ماما وجروب الواتس أب
2- هي كده قللت احساس الطفل بثقته في نفسه لأن الأم هي مراية ابنها لو شاف في عينيها عدم ثقة هيفقد ثقته في نفسه .. لو شاف في عينيها احباط وخيبة أمل هيقل عنده self esteem .. لو شاف في عينيها شك فيه هيبدأ يصدق انه فعلاً وحش ومش كويس
3- هي كده علمت ابنها درس ملخصه كلمتين "كن إمعة" .. امشي ورا كلام الناس وتنازل عن قناعاتك مهما كنت واثق فيها .. التزم بالوعي الجمعي والغ عقلك
امممممممممم .. مشاكل كبيرة مش كده ؟!!
طيب ايه الحل مع الولاد اللي مش بتيجي تحكي للأم كل كبيرة وصغيرة زي ما هي نفسها يعملوا ؟!
أولاً تقتنع من جواها انها مش لازم تعرف كل كبيرة وصغيرة أصلاً وصعب جداً انها تعرفها لأن فيه أولاد مش بيعرفوا يحكوا ولازم تتقبل ابنها كما هو وكمان تقنع نفسها ان الولد مخه مش دفتر وانها لو مكانه كانت لازم هاتكتب ولا تعتمد على ذاكرتها أو هتسجل صوت أو فيديو .. المهم انها لو مكانه مش هاتقدر تنفذ اللي بتطلبه منه ده أساساً
ثانياً هتبدأ تدور على وسائل تدرب بيها ابنها على التركيز في الفصل وأسهل طريقتين في الموضوع ده مناسبين للأطفال ومناخ المدرسة :
* نوتة صغيرة يسجل فيها كل مادة أخد فيها صفحات ايه في الفصل والواجب في صفحات ايه وأي تنبيهات قالتها المدرسة ..
* والحل التاني لو الطفل مش مركز خالص .. تعمله ورقة فيها جدول مقسم على قد الحصص وقدامه خانتين خانة CW , خانة HW يسجل تحتهم وده هيكون مباشر وواضح بالنسبة للولاد
ثالثاً تعرف انه محتاج فترة يدرب نفسه على النظام ده وأوقات هيحصل خطأ وده مقبول وعادي لأن كلنا بنغلط وبنتعلم من أخطائنا
رابعاً لو قال كلام مختلف عن جروب الواتساب .. تمشي ورا كلام ابنها وتقوله أنا واثقة فيك وانت مصدري الوحيد .. لو كلامه صحيح تبقى عززت ثقته بنفسه .. ولو كلامه طلع غلط هيتعلم انه يركز أكتر عشان مايتكررش الموقف
لو الطفل أصغر من أنه يعرف يكتب ماتتعبيش نفسك أصلاً وكلميه عن حاجة انتي عارفة انه أخدها وهو هتلاقيه بيدردش معاكي .. لكن لو سألتيه بشكل مباشر : أخدت ايه النهاردة يا حبيبي ؟ ممكن يقولك الكلمة المزعجة نسيت أو الكلمة العجيبة مش عارف .. وانتي في الآخر اللي بتحرقي في أعصابك .. فاهدي كده لو ابنك لسه في كي جي وسيبيه يخوض التجربة ويتعلم وثقي انك لو بذلت جهد من الأساس انك تدخليه مدرسة كويسة فهو ان شاء الله هيتعلم كويس فبلاش تضغطي عليه لأنه لسه صغير جداً على تحمل ضغط الدراسة وكمان لازم ياخد وقته في اكتساب مهارات التعامل مع المدرسة والمدرسين والكتب والملازم .. الموضوع محتاج وقت ودعم أكتر من المحاسبة .. خليكي في نفس المركب مع ابنك مش حطاه في امتحان مستمر مطلوب منه انه دايماً يثبت انه ممتاز ورائع .. قوليله انت رائع وهيبقى رائع بإذن الله
Believe in your kids and their abilities and you'll see miracles
وماتنسيش يا ماما ان علاقتك بابنك وتكوين شخصيته بشكل شوي أهم بكتييييييييييييييير من الواجب
صحيح لو عايزين تعرفوا طلع واجب ولا لأ .. للأسف طلع مش واجب وتم التنبيه على الولاد انهم يلتزموا بالواجب اللي قالته المدرسات ومايعملوش صفحات زيادة والأولاد اللي تعرضوا للموقف ده زعلانين من جروب الواتس أب جداً
هل ده معناه اني ضد الجروبات دي .. لأ خالص .. هو اختراع ظريف يحسس الأم انها مش لوحدها وكمان بيساعدها تكسب أصدقاء حلوين جداً .. لو فيه ورقة ناقصة ماوصلتهاش هيكون مفيد .. وممكن كمان يساعدها في التعرف على زملاء ولادها في الفصل بشكل أكبر وعائلاتهم وده مهم جداً وممكن من خلاله عمل أنشطة مشتركة بين الولاد تدربهم على العمل الجماعي والأمهات تشرف بس .. وممكن ينظم من خلاله لقاءات ورحلات تفرح الأمهات والولاد .. فيا ريت كل أم مشتركة في جروب واتس أب لولادها تاخد منه المزايا وتبعد عن العيوب عشان مايكونش ليه تأثير سلبي على ولادها وعلاقتها بيهم
#خليكي_واعية
#التعليم_المدرسي_في_عصر_الواتساب
احدى الأمهات: ابني بيقول ان صفحة كذا وكذا واجب
باقي الأمهات بعد مشاورات مع ولادهم: لا .. ابني بيقول مش واجب
ويفضلوا يتناقشوا على الشات .. واجب .. مش واجب .. وينقسموا لفريقين:
فريق من الأمهات يمشوا ورا كلام ولادهم ووجهة نظرهم ان حتى لو طلع واجب هيتعلم من خطأه ويركز بعد كده في الفصل
وفريق تاني من الأمهات هتخاف ان ابنها يتعاقب وعايزاه دايماً perfect فهاتقوله أصحابك بيقولوا الصفحات دي واجب وأكيد انت اللي مش مركز أو ماخدتش بالك فلازم تعملها .. يا ماما أنا عارف انها مش واجب .. لا هي واجب ولازم تعملها .. وتجبر المسكين انه يعمل واجب غير مطلوب
كده هي تسببت من غير ما تقصد وبحسن نية تماماً في عدة مشاكل لابنها:
1- هي كده نقلت له بصورة غير مباشرة عدم ثقتها فيه وانها شايفة انه محتمل جداً يكون مش مركز في الفصل أو مش متابع مع المدرسين وده نتيجته الطبيعية -مع التكرار- انه يتأصل جواه الشعور ده فعلاً ويبدأ يشك في نفسه وممكن يوصل انه مايركزش فعلاً ويبدأ مرحلة تشتت انتباه كان السبب فيها ماما وجروب الواتس أب
2- هي كده قللت احساس الطفل بثقته في نفسه لأن الأم هي مراية ابنها لو شاف في عينيها عدم ثقة هيفقد ثقته في نفسه .. لو شاف في عينيها احباط وخيبة أمل هيقل عنده self esteem .. لو شاف في عينيها شك فيه هيبدأ يصدق انه فعلاً وحش ومش كويس
3- هي كده علمت ابنها درس ملخصه كلمتين "كن إمعة" .. امشي ورا كلام الناس وتنازل عن قناعاتك مهما كنت واثق فيها .. التزم بالوعي الجمعي والغ عقلك
امممممممممم .. مشاكل كبيرة مش كده ؟!!
طيب ايه الحل مع الولاد اللي مش بتيجي تحكي للأم كل كبيرة وصغيرة زي ما هي نفسها يعملوا ؟!
أولاً تقتنع من جواها انها مش لازم تعرف كل كبيرة وصغيرة أصلاً وصعب جداً انها تعرفها لأن فيه أولاد مش بيعرفوا يحكوا ولازم تتقبل ابنها كما هو وكمان تقنع نفسها ان الولد مخه مش دفتر وانها لو مكانه كانت لازم هاتكتب ولا تعتمد على ذاكرتها أو هتسجل صوت أو فيديو .. المهم انها لو مكانه مش هاتقدر تنفذ اللي بتطلبه منه ده أساساً
ثانياً هتبدأ تدور على وسائل تدرب بيها ابنها على التركيز في الفصل وأسهل طريقتين في الموضوع ده مناسبين للأطفال ومناخ المدرسة :
* نوتة صغيرة يسجل فيها كل مادة أخد فيها صفحات ايه في الفصل والواجب في صفحات ايه وأي تنبيهات قالتها المدرسة ..
* والحل التاني لو الطفل مش مركز خالص .. تعمله ورقة فيها جدول مقسم على قد الحصص وقدامه خانتين خانة CW , خانة HW يسجل تحتهم وده هيكون مباشر وواضح بالنسبة للولاد
ثالثاً تعرف انه محتاج فترة يدرب نفسه على النظام ده وأوقات هيحصل خطأ وده مقبول وعادي لأن كلنا بنغلط وبنتعلم من أخطائنا
رابعاً لو قال كلام مختلف عن جروب الواتساب .. تمشي ورا كلام ابنها وتقوله أنا واثقة فيك وانت مصدري الوحيد .. لو كلامه صحيح تبقى عززت ثقته بنفسه .. ولو كلامه طلع غلط هيتعلم انه يركز أكتر عشان مايتكررش الموقف
لو الطفل أصغر من أنه يعرف يكتب ماتتعبيش نفسك أصلاً وكلميه عن حاجة انتي عارفة انه أخدها وهو هتلاقيه بيدردش معاكي .. لكن لو سألتيه بشكل مباشر : أخدت ايه النهاردة يا حبيبي ؟ ممكن يقولك الكلمة المزعجة نسيت أو الكلمة العجيبة مش عارف .. وانتي في الآخر اللي بتحرقي في أعصابك .. فاهدي كده لو ابنك لسه في كي جي وسيبيه يخوض التجربة ويتعلم وثقي انك لو بذلت جهد من الأساس انك تدخليه مدرسة كويسة فهو ان شاء الله هيتعلم كويس فبلاش تضغطي عليه لأنه لسه صغير جداً على تحمل ضغط الدراسة وكمان لازم ياخد وقته في اكتساب مهارات التعامل مع المدرسة والمدرسين والكتب والملازم .. الموضوع محتاج وقت ودعم أكتر من المحاسبة .. خليكي في نفس المركب مع ابنك مش حطاه في امتحان مستمر مطلوب منه انه دايماً يثبت انه ممتاز ورائع .. قوليله انت رائع وهيبقى رائع بإذن الله
Believe in your kids and their abilities and you'll see miracles
وماتنسيش يا ماما ان علاقتك بابنك وتكوين شخصيته بشكل شوي أهم بكتييييييييييييييير من الواجب
صحيح لو عايزين تعرفوا طلع واجب ولا لأ .. للأسف طلع مش واجب وتم التنبيه على الولاد انهم يلتزموا بالواجب اللي قالته المدرسات ومايعملوش صفحات زيادة والأولاد اللي تعرضوا للموقف ده زعلانين من جروب الواتس أب جداً
هل ده معناه اني ضد الجروبات دي .. لأ خالص .. هو اختراع ظريف يحسس الأم انها مش لوحدها وكمان بيساعدها تكسب أصدقاء حلوين جداً .. لو فيه ورقة ناقصة ماوصلتهاش هيكون مفيد .. وممكن كمان يساعدها في التعرف على زملاء ولادها في الفصل بشكل أكبر وعائلاتهم وده مهم جداً وممكن من خلاله عمل أنشطة مشتركة بين الولاد تدربهم على العمل الجماعي والأمهات تشرف بس .. وممكن ينظم من خلاله لقاءات ورحلات تفرح الأمهات والولاد .. فيا ريت كل أم مشتركة في جروب واتس أب لولادها تاخد منه المزايا وتبعد عن العيوب عشان مايكونش ليه تأثير سلبي على ولادها وعلاقتها بيهم
#خليكي_واعية
#التعليم_المدرسي_في_عصر_الواتساب
ليست هناك تعليقات:
إرسال تعليق