خامات الأنشطة

لكل مامي شطورة وبتحب تعمل أنشطة مع ولادها في البيت وكمان تعمل إعادة تدوير للمخلفات .. احتفظي بالحاجات دي وماترميهاش:
1- أي كراتين حجم وسط أو حجم صغير
2- علب الأحذية
3- علب الكورن فليكس
4- أغطية زجاجات اللبن أو كراتين اللبن
5- الكرتونة الأسطوانية لمناديل المطبخ والحمام
6- علب البسكويت الكبيرة اللي ليها فتحة من فوق
7- كرتونة البيض بس تكون نظيفة
8- الأطباق الورق
9- المعالق البلاستيك
10- الشفاطات البلاستيك
11- بقايا أقمشة
12- أزرار
13- أي ورق مقوى أو حتى الغلاف الخارجي للكراسات القديمة
14- عصيان الأيس كريم ستيك
15- أساتك
16- سلات بلاستيك أي حجم
17- سلات خوص
18- أكواب بلاستيك أو فل
19- أقفال أو شناكل قديمة بس تكون شغالة
20- بكر خيط
21- خرز مفكوك من سبحة أو عقد
22- بقايا خشب
23- قطارة
24- زجاجات دواء شفافة نظيفة
25- أربطة لف الحلويات
26- علب الدانيت والزبادي
27- عصيان شيش طاووق

اعملي ضلفة في المطبخ أو كرتونة في مكان ثابت في البيت وحطي فيها الحاجات دي واعملي أنشطة مع ولادك باستخدامها .. المهم باستمرار عشان لا تتراكم عندك وتعمل كركبة
ماتتصوريش انتي وولادك هتستمتعوا قد ايه وهيتعلموا كمان ..
الناس اللي شغالة منتيسوري هاتنفعها الحاجات دي في الأنشطة بدل ما تشتري لأن معظم أدوات منتيسوري غالية جداً في المحلات مع انها سهل تتم محاكاتها في البيت بالخامات اللي ذكرتها فوق وفيه ناس ليهم تجارب متميزة في تصنيع الأدوات منزلياً زي دعاء مجدي صاحبة مدونة عالم منتيسوري
واللي عنده اضافة يا ريت يقول في التعليقات وأنا لو افتكرت حاجة هاحدث البوست ان شاء الله
الأنشطة نفسها فيه صفحات كتير ليها وكل ما بلاقي حاجة بانزلها على طول وان شاء الله قريباً أنزلكم اللي بانفذه فعلياً مع الولاد
#خامات_الأنشطة
#إعادة_تدوير
#الأجازة_قربت