من
الملاحظ في الفترة الأخيرة ونتيجة لمواقع التواصل الاجتماعي ان الناس بقت
تحكم على بعض بسهولة وتكون فكرة عن من تقرأ لهم بدون معرفة شخصية أو حتى لو
فيه معرفة فهي ليست عميقة وتنحصر فقط في الفيس بوك وغيره من وسائل التواصل
.. ومع التطرف العاطفي المشهور عند العرب أصبح الناس منقسمون ما بين من
يكره فلان كراهية شديدة ومن يحب فلان ويعتبره قدوة ويراه شخصية مثالية ..
نيجي للنقطة التانية ونفصلها أكتر في السطور القادمة:
للأسف فيه ناس شايفة اني أم رائعة وانسانة ناجحة .. مقتنعين ان ولادي مثاليين وربنا هاديهم واني باستخدم معاهم طرق تربية حديثة تشابه عصا الجنية في قصة سندريللا .. أشير بها فتتحقق أحلامي فيهم .. أطلب منهم الطلب يتسابقون لتنفيذه .. يتخيلون ويتصورون ويتوههمون أني مثالية وسبحان الله أولادي كمان طلعوا مثاليين واحتمال زوجي كمان يكون مثالي
طبعاً مبدئياً شكراً على حسن ظنكم بيا أحبائي لكن للأسف انتم حكمتم خطأ .. لا يوجد انسان مثالي أساساً .. احنا بشر .. نخطيء ونصيب .. كل ابن آدم خطاء .. أمر منتهي .. يعني كلنا بنغلط
نفسي الجماعة دول يشوفوا ولادي لما بيتعصبوا ويعلوا صوتهم عليا .. نفسي يشوفوا المثاليين الحلوين وهما بينفضولي ولا كأني باتكلم .. يا سلام لو شفتوا أوضتهم المرتبة الجميلة اللي ماتعرفوش تدخلوها أصلاً لأن مافيش مكان لقدم .. نفسي تشوفوني لما بيجيلي احباط وباحس ان مافيش فايدة ومافيش حاجة نافعة وهما مش مساعدني .. واني لازم أرضخ وأتعلم أتعايش زي باقي الأمهات وأنخرط في المنظومة .. وعلى فكرة بيجي عليا أيام بازعق فيهم وأصرخ .. أيوه جربت الضرب ولأني لقيته مش نافع بطلت أضرب .. أنا بس مش باحب أتكلم عن سلبيات ولادي حفاظاً على خصوصيتهم وعشان مايتمش وصمهم بصفات حتى لو تخلصوا منها تفضل الناس تفكرهم بيها لأني عانيت من ده في طفولتي
وبعيداً عن ولادي .. أنا كمان أبعد ما أكون عن المثالية .. مش طول الوقت بتعامل بالحسنى مع طلابي .. لا أوقات باكشر عن أنيابي وبابقى شريرة جداً خاصة في المراقبات أو لما يحصل دوشة في المحاضرة
اللي بتتكلم معظم الوقت عن الإيجابية والتفاؤل وإيجاد حلول لكل شيء بيجي عليها أوقات بتفكر بطريقة سلبية وبتبكي وتتشاءم وتقول مافيش فايدة .. اللي دايماً الناس فاكراها هادية جداً ورايقة جه عليها أوقات أصيبت بقلق مرضى واكتئاب وأرق .. اللي أنتم فاكرينها منظمة جداً وكل حاجة ليها وقت ومعاد .. بيجي عليها أيام مش ليها نفس تعمل أي حاجة من المهام اللي عليها وبتضيع وقتها عن قصد .. اللي أنتم فاكرينها قايمة نايمة على الكتب بقالها شهرين تقريباً مش عارفة تمسك كتاب تقرأه من كتر المسئوليات... اللي بتشوفوها رقيقة وcute لو حد داس لي على طرف باتحول لقطة مفترسة ومش بيهمني النتيجة .. المهم ان كرامتي تفضل محفوظة
باغلط ..كتير .. وبافشل .. أخدت reject في منح .. وفي papers .. باخسر.. بتأخر .. بخاف .. باحزن ..بانخدع.. بتجيلي الفرصة وماقدرش أنفذها ..باشوف أحلام ليا بتتهد قصاد عيني .. وباجرب الطعم المر اني أتحرم من حاجات باحبها
أنا انسانة حياتي غير ممهدة .. مش معنى الابتسامة اللي دايماً على وشي والضحكة اللي في صوتي اني في أروع حال أنا بس اتعلمت ازاي أتعايش مع أي ظروف ودايماً بابص للي حالهم أصعب مني وأحمد ربنا بالإضافة لايماني اننا مش هنقدر نعيش كويس إلا لو عافرنا عشان نوصل
You can survive only if you are a fighter.
مافيش حد مثالي .. وماينفعش تعتبر حد قدوة لمجرد انك بتقرأ له كلام حلو .. الانسان أعمق بكتير من مجرد كلام بيقوله أو بيكتبه .. والفشل والاحباطات والأخطاء هي اللي بتثري تجاربنا في الحياة وتدينا الخبرة عشان نقدر نكمل
لولا أخطائي ووقوعي وكسراتي .. لولا احباطاتي ولحظات فشلي .. ماكنتش دلوقتي أقدر أكون coach .. أسمع الناس وأفهم مشاكلهم .. وأحاول أنصحهم وأقترح عليهم حلول .. لو ولادي كانوا مثاليين ماكنتش هحتاج أتعلم ازاي أربيهم صح وأتعرف على حلول لمشاكلهم .. لو كانوا مثاليين كان زماني ركنت على الرف ... مش كل يوم بعافر عشان أقرأ الكتاب ده وآخد الكورس ده وأتابع المدربة دي عشان أزداد خبرة وعلم
لولا ان جزء من طفولتي ومراهقتي كان بائس جداً باستثناء والدي الحبيب الله يرحمه .. هو من خفف عني حقاً .. ما كنتش قدرت أفهم صراعات الناس اللي بيكون مرجعها لنشأة فيها مشاكل أو لتربية خاطئة أو قاسية
الكلام ده باقوله لأي حد لسه مصر يحطني داخل قالب هو حابب شكلي جواه ومش قادر يتصور الأمور على حقيقتها .. الكلام ده لأي حد واخدني قدوة وأنا مش قدوة ولا أستحق أن أكون كذلك
ترددت كثيراً قبل ان أكتب هذا الكلام لئلا يفهم من قبيل "بتخزي العين" أو "شوفوا متواضعة ازاي" والكلام ده .. أو حد يقول "وانتي مهتمة برأي الناس فيكي ليه" .. حقاً أنا لا أهتم برأي أحد والدنيا علمتني ذلك .. ومتصالحة مع نفسي ومع الناس .. باحب أسيب كل واحد ياخد عني الفكرة اللي هو عاوزها سواء ايجابية أو سلبية .. ومش بحاول أغيرها .. لكن لتزايد كلمات المديح شعرت أن الناس ترى جانباً واحداً من حياتي .. فأحببت ان أوضح الأمور عشان لما حد فيكم يقرب مني ويكتشف اني انسانة طبيعية مايتصدمش
ودعوة أخيرة بلاش تحكم على حد .. وتقبل الناس كما هم .. بالحلو والوحش اللي فيهم.. مش ممكن حد يقدر يكون رائع طول الوقت
We all have our own weaknesses!!
Don't be judgmental, just be empathetic
#فضفضة
#مثالية_لأ
#طبيعية_آه
للأسف فيه ناس شايفة اني أم رائعة وانسانة ناجحة .. مقتنعين ان ولادي مثاليين وربنا هاديهم واني باستخدم معاهم طرق تربية حديثة تشابه عصا الجنية في قصة سندريللا .. أشير بها فتتحقق أحلامي فيهم .. أطلب منهم الطلب يتسابقون لتنفيذه .. يتخيلون ويتصورون ويتوههمون أني مثالية وسبحان الله أولادي كمان طلعوا مثاليين واحتمال زوجي كمان يكون مثالي
طبعاً مبدئياً شكراً على حسن ظنكم بيا أحبائي لكن للأسف انتم حكمتم خطأ .. لا يوجد انسان مثالي أساساً .. احنا بشر .. نخطيء ونصيب .. كل ابن آدم خطاء .. أمر منتهي .. يعني كلنا بنغلط
نفسي الجماعة دول يشوفوا ولادي لما بيتعصبوا ويعلوا صوتهم عليا .. نفسي يشوفوا المثاليين الحلوين وهما بينفضولي ولا كأني باتكلم .. يا سلام لو شفتوا أوضتهم المرتبة الجميلة اللي ماتعرفوش تدخلوها أصلاً لأن مافيش مكان لقدم .. نفسي تشوفوني لما بيجيلي احباط وباحس ان مافيش فايدة ومافيش حاجة نافعة وهما مش مساعدني .. واني لازم أرضخ وأتعلم أتعايش زي باقي الأمهات وأنخرط في المنظومة .. وعلى فكرة بيجي عليا أيام بازعق فيهم وأصرخ .. أيوه جربت الضرب ولأني لقيته مش نافع بطلت أضرب .. أنا بس مش باحب أتكلم عن سلبيات ولادي حفاظاً على خصوصيتهم وعشان مايتمش وصمهم بصفات حتى لو تخلصوا منها تفضل الناس تفكرهم بيها لأني عانيت من ده في طفولتي
وبعيداً عن ولادي .. أنا كمان أبعد ما أكون عن المثالية .. مش طول الوقت بتعامل بالحسنى مع طلابي .. لا أوقات باكشر عن أنيابي وبابقى شريرة جداً خاصة في المراقبات أو لما يحصل دوشة في المحاضرة
اللي بتتكلم معظم الوقت عن الإيجابية والتفاؤل وإيجاد حلول لكل شيء بيجي عليها أوقات بتفكر بطريقة سلبية وبتبكي وتتشاءم وتقول مافيش فايدة .. اللي دايماً الناس فاكراها هادية جداً ورايقة جه عليها أوقات أصيبت بقلق مرضى واكتئاب وأرق .. اللي أنتم فاكرينها منظمة جداً وكل حاجة ليها وقت ومعاد .. بيجي عليها أيام مش ليها نفس تعمل أي حاجة من المهام اللي عليها وبتضيع وقتها عن قصد .. اللي أنتم فاكرينها قايمة نايمة على الكتب بقالها شهرين تقريباً مش عارفة تمسك كتاب تقرأه من كتر المسئوليات... اللي بتشوفوها رقيقة وcute لو حد داس لي على طرف باتحول لقطة مفترسة ومش بيهمني النتيجة .. المهم ان كرامتي تفضل محفوظة
باغلط ..كتير .. وبافشل .. أخدت reject في منح .. وفي papers .. باخسر.. بتأخر .. بخاف .. باحزن ..بانخدع.. بتجيلي الفرصة وماقدرش أنفذها ..باشوف أحلام ليا بتتهد قصاد عيني .. وباجرب الطعم المر اني أتحرم من حاجات باحبها
أنا انسانة حياتي غير ممهدة .. مش معنى الابتسامة اللي دايماً على وشي والضحكة اللي في صوتي اني في أروع حال أنا بس اتعلمت ازاي أتعايش مع أي ظروف ودايماً بابص للي حالهم أصعب مني وأحمد ربنا بالإضافة لايماني اننا مش هنقدر نعيش كويس إلا لو عافرنا عشان نوصل
You can survive only if you are a fighter.
مافيش حد مثالي .. وماينفعش تعتبر حد قدوة لمجرد انك بتقرأ له كلام حلو .. الانسان أعمق بكتير من مجرد كلام بيقوله أو بيكتبه .. والفشل والاحباطات والأخطاء هي اللي بتثري تجاربنا في الحياة وتدينا الخبرة عشان نقدر نكمل
لولا أخطائي ووقوعي وكسراتي .. لولا احباطاتي ولحظات فشلي .. ماكنتش دلوقتي أقدر أكون coach .. أسمع الناس وأفهم مشاكلهم .. وأحاول أنصحهم وأقترح عليهم حلول .. لو ولادي كانوا مثاليين ماكنتش هحتاج أتعلم ازاي أربيهم صح وأتعرف على حلول لمشاكلهم .. لو كانوا مثاليين كان زماني ركنت على الرف ... مش كل يوم بعافر عشان أقرأ الكتاب ده وآخد الكورس ده وأتابع المدربة دي عشان أزداد خبرة وعلم
لولا ان جزء من طفولتي ومراهقتي كان بائس جداً باستثناء والدي الحبيب الله يرحمه .. هو من خفف عني حقاً .. ما كنتش قدرت أفهم صراعات الناس اللي بيكون مرجعها لنشأة فيها مشاكل أو لتربية خاطئة أو قاسية
الكلام ده باقوله لأي حد لسه مصر يحطني داخل قالب هو حابب شكلي جواه ومش قادر يتصور الأمور على حقيقتها .. الكلام ده لأي حد واخدني قدوة وأنا مش قدوة ولا أستحق أن أكون كذلك
ترددت كثيراً قبل ان أكتب هذا الكلام لئلا يفهم من قبيل "بتخزي العين" أو "شوفوا متواضعة ازاي" والكلام ده .. أو حد يقول "وانتي مهتمة برأي الناس فيكي ليه" .. حقاً أنا لا أهتم برأي أحد والدنيا علمتني ذلك .. ومتصالحة مع نفسي ومع الناس .. باحب أسيب كل واحد ياخد عني الفكرة اللي هو عاوزها سواء ايجابية أو سلبية .. ومش بحاول أغيرها .. لكن لتزايد كلمات المديح شعرت أن الناس ترى جانباً واحداً من حياتي .. فأحببت ان أوضح الأمور عشان لما حد فيكم يقرب مني ويكتشف اني انسانة طبيعية مايتصدمش
ودعوة أخيرة بلاش تحكم على حد .. وتقبل الناس كما هم .. بالحلو والوحش اللي فيهم.. مش ممكن حد يقدر يكون رائع طول الوقت
Don't be judgmental, just be empathetic
#فضفضة
#مثالية_لأ
#طبيعية_آه
ليست هناك تعليقات:
إرسال تعليق