الأم اللي عايزة ولادها يكونوا سعداء وأسوياء نفسياً .. لازم هي أولاً
تكون سعيدة وسوية نفسياً .. الأم المحبطة المكتئبة هتنقل إحباطها وإكتئابها
لولادها غصب عنها وعنهم .. ايه ده بس الكلام ده فيه مشكلة كبيرة قوي ..
انه مش معقول .. مش ممكن نتفادى مرورنا بحالة اكتئاب أو احباط لأننا ببساطة
بشر ومش عايشين في جنة .. نعمل ايه والحياة ups & downs ويستحيل نكون
سعداء طول الوقت في ظل الضغوط اللي حوالينا ؟
الحقيقة مش عندي حل سحري .. يمكن الأفضل لما الأم تحس ب stress عالي قوي تحاول تلحق نفسها بالطريقة المناسبة ليها .. مثلاً مكالمة لصديقة .. ذكر الله .. الاستغفار ..سماع أو قراءة قرآن .. قراءة كتاب خفيف .. فيلم كرتون .. رياضة ..تعمل أي حاجة غير انها تستسلم لحزنها وإرهاقها النفسي .. عارفة انه صعب .. هو الحقيقة جهاد نفس نؤجر عليه بفضل الله لأننا بنحاول نحمي ولادنا من انتقال مشاعرنا السلبية ليهم .. طيب لو الأمر كان أصعب من قدرتها على التحمل ومش قادرة تتعامل معاه لوحدها .. تلجأ لمختص يساعدها على تخطي الحالة دي .. ممكن تكون محتاجة علاج دوائي فعلاً أو فيه مشكلة عضوية مسببالك الاكتئاب .. وده مش هتعرفيه إلا لو عملتِ تحاليل واستشرتِ طبيب
المهم ماتسيبيش نفسك للاكتئاب والاحباط .. لكن كمان ماتلوميش نفسك لو حسيتِ المشاعر السلبية دي .. انتِ إنسان عندك أحاسيس وكل البشر بيضعفوا ويتعبوا .. بيحزنوا ويحبطوا .. مافيش حد سعيد على طول ولا ناجح على طول .. الدنيا sine wave كبيرة .. أهم حاجة وهي واخداكِ لتحت .. وهي ضاغطة عليكِ بلاش تاخدي ولادك معاكِ ..
ومن أجمل ما تعلمت انك تصارحيهم ان ماما تعبانة شوية اليومين دول ويشوفوكي ازاي بتتعاملي مع حزنك أو غضبك أو احباطك بطريقة صح مش بتضري نفسك ولا بتضري اللي حواليكِ وعلى فكرة لو كبار شوية ممكن تشركيهم معاكِ في مشاكلك وتطلبي منهم النصيحة .. سبحان الله الأطفال بفطرتهم النقية أوقات كتير بينصحونا نصايح غالية قوي وبيدونا حلول يمكن كانت غايبة عننا من كتر ما عقدنا حياتنا
الحقيقة مش عندي حل سحري .. يمكن الأفضل لما الأم تحس ب stress عالي قوي تحاول تلحق نفسها بالطريقة المناسبة ليها .. مثلاً مكالمة لصديقة .. ذكر الله .. الاستغفار ..سماع أو قراءة قرآن .. قراءة كتاب خفيف .. فيلم كرتون .. رياضة ..تعمل أي حاجة غير انها تستسلم لحزنها وإرهاقها النفسي .. عارفة انه صعب .. هو الحقيقة جهاد نفس نؤجر عليه بفضل الله لأننا بنحاول نحمي ولادنا من انتقال مشاعرنا السلبية ليهم .. طيب لو الأمر كان أصعب من قدرتها على التحمل ومش قادرة تتعامل معاه لوحدها .. تلجأ لمختص يساعدها على تخطي الحالة دي .. ممكن تكون محتاجة علاج دوائي فعلاً أو فيه مشكلة عضوية مسببالك الاكتئاب .. وده مش هتعرفيه إلا لو عملتِ تحاليل واستشرتِ طبيب
المهم ماتسيبيش نفسك للاكتئاب والاحباط .. لكن كمان ماتلوميش نفسك لو حسيتِ المشاعر السلبية دي .. انتِ إنسان عندك أحاسيس وكل البشر بيضعفوا ويتعبوا .. بيحزنوا ويحبطوا .. مافيش حد سعيد على طول ولا ناجح على طول .. الدنيا sine wave كبيرة .. أهم حاجة وهي واخداكِ لتحت .. وهي ضاغطة عليكِ بلاش تاخدي ولادك معاكِ ..
ومن أجمل ما تعلمت انك تصارحيهم ان ماما تعبانة شوية اليومين دول ويشوفوكي ازاي بتتعاملي مع حزنك أو غضبك أو احباطك بطريقة صح مش بتضري نفسك ولا بتضري اللي حواليكِ وعلى فكرة لو كبار شوية ممكن تشركيهم معاكِ في مشاكلك وتطلبي منهم النصيحة .. سبحان الله الأطفال بفطرتهم النقية أوقات كتير بينصحونا نصايح غالية قوي وبيدونا حلول يمكن كانت غايبة عننا من كتر ما عقدنا حياتنا
وأخيراً تأكدي ان كله بيعدي زي ما عدي عليكي كتيييييير قبل كده ولازم بعد
الضلمة هتلاقي نور .. حتى لو بيتسرب بشويش ومش شايفة منه غير خيط رفيع
تأكدي انه هيعدي بس أهم حاجة مايسيبش أثر على أغلى ما عندك .. قرة عينك 
#عدوى_المشاعر
#عدوى_المشاعر
ليست هناك تعليقات:
إرسال تعليق