تعالوا نتكلم شوية عن التركيز ..
ناس كتير تشتكي من عدم القدرة على التركيز بشكل دائم أو بشكل متقطع .. أنا حصل معايا كده في احدى الفترات أثناء شغل الدكتوراه وبحثت في الموضوع عشان أقدر أنجز .. أهم حاجة نحط ايدنا على مسبب عدم التركيز وبعدها نقدر نعالج المشكلة:
أولاً لازم نتأكد ان مافيش سبب عضوي لعدم التركيز يعني مثلاً نقص الحديد (الأنيميا) أو نقص من مجموعة فيتامين B قد يؤدي لضعف التركيز .. اضطراب هرمونات الغدة الدرقية له عرض مهم اسمه brain fog .. تحسي ضعف في التركيز والذاكرة وتوهان شوية كمان .. بالاضافة لانخفاض ضغط الدم .. الصداع النصفي .. اضطراب الهرمونات ما قبل الدورة الشهرية.. كل دي أسباب عضوية
يبقى نتأكد لو لقينا مشكلة عضوية نعالجها الأول هنلاقي تركيزنا رجع لوحده
ثانياً نسأل نفسنا هل مشكلة عدم التركيز مستمرة ولا بتروح وتيجي .. لو كانت غير مستمرة ممكن تكون الأسباب كتير .. يعني اضطراب في مواعيد النوم .. أو كثرة شرب المنبهات .. نعالج السبب المشكلة هتروح
طيب لو كان مستمر وغير مرتبط بأي عادات أو مشاكل صحية ممكن يكون مرض نقص التركيز وفرط الحركة للكبار وده محتاج زيارة للطبيب للتأكد لأنه معناه اضطراب في كيمياء المخ .
ثالثاً انتي طالبة ومشكلة عدم التركيز متفاوتة .. يعني فيه محاضر تفهمي منه كويس جداً حتى لو تعبانة .. ومحاضر تاني مهما عمل انتي مش فاهمة حاجة أبداً ومش عارفة تركزي .. هنا نيجي لموضوع مهم جداً .. وهو أنماط التعلم learning styles ودي 3 أنواع رئيسية: بصري - سمعي - حركي ..
لو المحاضر استخدم الوسائل المناسبة لنمطك هتلاقيكي مركزة جداً والمعلومة توصلك بسهولة .. يعني مثلاً انتي نمطك بصري لو المحاضر بصري هو كمان وبيشرح بسرعة وحركته سريعة وصوته مرتفع هتركزي بدون مجهود ... لو كان سمعي بيشرح بهدوء ونبرة صوت ثابتة .. ممكن تلاقي نفسك نمتي حتى لو جاية مركزة ومجهزة نفسك كويس .. عشان كده مهم ان المحاضر ينوع في أسلوب شرحه وينمي مهاراته في استخدام الأنماط الثلاثة لتحقيق تواصل فعال مع طلابه ..
وبالمثل مطلوب من كل طالب انه يعرف نمطه التعلمي ويقرأ في موضوع انماط التعلم بشكل عام عشان يقدر ينمي عنده الثلاث أنماط وده هيساعده على التركيز جداً او على الأقل هيقدر يعرف أفضل الأساليب لاستيعاب المعلومة المقدمة .. مثال: لو انتي نمطك بصري هترتاحي في المذاكرة المعتمدة على الادراك البصري باستخدام الصور والرسم .. لو عايزة تحفظي نص استخدمي عينيكي زي الكاميرا لتصويره .. لو انتي نمطك سمعي كرري الكلام بصوتك أو اشرحيه لحد تاني عشان يثبت في عقلك .. طيب لو انتي حركية مافيش مانع من استخدام الحركات في التعلم .. يعني مثلاً تتمشي أثناء المذاكرة.
نقطة تانية مهمة جداً وهي طريقة توصيل المعلومة للطالب .. كتير من المدرسين والمحاضرين مش عارفين ان الذاكرة المؤقتة للمتلقي تستقبل 7 chunks من المعلومات عشان تقدر تحتفظ بيها .. ثم ترسلها للذاكرة الدائمة.. أكتر من 7 بيحصل حاجة زي overflow of data والمتلقي يفقد تركيزه .. زي بالظبط لما تحاولي تحفظي رقم تليفون مكون من 10 أرقام يبقى صعب عليكي لكن لو قسمتيه لأجزاء كل جزء عبارة عن رقمين مثلاً هاتحفظيه بسهولة .. دي معلومة مهمة لكل المدرسين بلاش نشرح ورا بعض كمية كبيرة من المعلومات ونتصور ان الطالب هيقدر يحافظ على تركيزه .. علمياً مش هيقدر وهيجيله احباط ويشك في نفسه ان هو اللي مش عارف يركز..
آخر نقطة مهمة ومطلوبة من المحاضر انه يفصل كل 8 دقايق أو أكثر قليلاً (8 minute cycle) عشان يقدر الطالب يواصل معاه..
آخر حاجة شوية نصايح:
* اعتني بغذائك جيداً .. اهتمي بمضادات الأكسدة زي المكسرات والخضروات الورقية والفواكه خاصة الحمراء والبنفسجي والقمح الكامل والحبوب الكاملة زي الرز البني.. والتونة والسلمون..
* كلي زبيب وعين جمل ولوز وتمر بيزودوا التركيز جداً..
* قللي الكافيين لأنه يرهق الجهاز العصبي..وقللي السكريات كمان..
* قبل المحاضرة ابعدي عن الفول والطعمية .. بجد بينيموا
* أكثري من شرب الماء يعني في اليوم لا يقل عن 2 لتر لا يدخل فيها عصائر ولا أي مشروبات أخرى..
* اعملي تحاليل دورية اهمها صورة دم كاملة عشان لو فيه أنيميا تلحقي تعالجيها .. علاجها يأخذ 3 شهور على الأقل .. يعني ممكن تؤثر على نتيجة تيرم !!
* نامي بدري واصحي بدري (دي أنا مش عارفة أنفذها بس بجد مهمة
* أثناء المذاكرة افصلي كل نصف ساعة واعملي حاجة تانية خاصة لو كان نمطك حركي
* غيري مكان المذاكرة لمكان يساعدك على التركيز مثلاً خلي مكتبك وجهه للحائط
* عودي نفسك على القراءة في ظروف مختلفة .. هدوء .. دوشة .. تليفزيون .. أطفال جنبك
* في وقت الفراغ تعلمي عمل الاكسسوارات أو الكروشيه .. بيساعدوا على تدريب المخ على التركيز
*اعملي التمرين ده: الصقي ستيكر صغير على الحائط أمامك وركزي نظرك عليه لأطول فترة ممكنة .. خلي هدفك ان مدة تركيزك تزيد كل يوم
اتبع الرابط ده لمعرفة نمط التعلم الخاص بك وفعلاً هو ده الخطوة الأولى للحصول على تركيز عال:
http://www.educationplanner.org/students/self-assessments/learning-styles-quiz.shtml
#مش_عارف_أركز
ناس كتير تشتكي من عدم القدرة على التركيز بشكل دائم أو بشكل متقطع .. أنا حصل معايا كده في احدى الفترات أثناء شغل الدكتوراه وبحثت في الموضوع عشان أقدر أنجز .. أهم حاجة نحط ايدنا على مسبب عدم التركيز وبعدها نقدر نعالج المشكلة:
أولاً لازم نتأكد ان مافيش سبب عضوي لعدم التركيز يعني مثلاً نقص الحديد (الأنيميا) أو نقص من مجموعة فيتامين B قد يؤدي لضعف التركيز .. اضطراب هرمونات الغدة الدرقية له عرض مهم اسمه brain fog .. تحسي ضعف في التركيز والذاكرة وتوهان شوية كمان .. بالاضافة لانخفاض ضغط الدم .. الصداع النصفي .. اضطراب الهرمونات ما قبل الدورة الشهرية.. كل دي أسباب عضوية
يبقى نتأكد لو لقينا مشكلة عضوية نعالجها الأول هنلاقي تركيزنا رجع لوحده
ثانياً نسأل نفسنا هل مشكلة عدم التركيز مستمرة ولا بتروح وتيجي .. لو كانت غير مستمرة ممكن تكون الأسباب كتير .. يعني اضطراب في مواعيد النوم .. أو كثرة شرب المنبهات .. نعالج السبب المشكلة هتروح
طيب لو كان مستمر وغير مرتبط بأي عادات أو مشاكل صحية ممكن يكون مرض نقص التركيز وفرط الحركة للكبار وده محتاج زيارة للطبيب للتأكد لأنه معناه اضطراب في كيمياء المخ .
ثالثاً انتي طالبة ومشكلة عدم التركيز متفاوتة .. يعني فيه محاضر تفهمي منه كويس جداً حتى لو تعبانة .. ومحاضر تاني مهما عمل انتي مش فاهمة حاجة أبداً ومش عارفة تركزي .. هنا نيجي لموضوع مهم جداً .. وهو أنماط التعلم learning styles ودي 3 أنواع رئيسية: بصري - سمعي - حركي ..
لو المحاضر استخدم الوسائل المناسبة لنمطك هتلاقيكي مركزة جداً والمعلومة توصلك بسهولة .. يعني مثلاً انتي نمطك بصري لو المحاضر بصري هو كمان وبيشرح بسرعة وحركته سريعة وصوته مرتفع هتركزي بدون مجهود ... لو كان سمعي بيشرح بهدوء ونبرة صوت ثابتة .. ممكن تلاقي نفسك نمتي حتى لو جاية مركزة ومجهزة نفسك كويس .. عشان كده مهم ان المحاضر ينوع في أسلوب شرحه وينمي مهاراته في استخدام الأنماط الثلاثة لتحقيق تواصل فعال مع طلابه ..
وبالمثل مطلوب من كل طالب انه يعرف نمطه التعلمي ويقرأ في موضوع انماط التعلم بشكل عام عشان يقدر ينمي عنده الثلاث أنماط وده هيساعده على التركيز جداً او على الأقل هيقدر يعرف أفضل الأساليب لاستيعاب المعلومة المقدمة .. مثال: لو انتي نمطك بصري هترتاحي في المذاكرة المعتمدة على الادراك البصري باستخدام الصور والرسم .. لو عايزة تحفظي نص استخدمي عينيكي زي الكاميرا لتصويره .. لو انتي نمطك سمعي كرري الكلام بصوتك أو اشرحيه لحد تاني عشان يثبت في عقلك .. طيب لو انتي حركية مافيش مانع من استخدام الحركات في التعلم .. يعني مثلاً تتمشي أثناء المذاكرة.
نقطة تانية مهمة جداً وهي طريقة توصيل المعلومة للطالب .. كتير من المدرسين والمحاضرين مش عارفين ان الذاكرة المؤقتة للمتلقي تستقبل 7 chunks من المعلومات عشان تقدر تحتفظ بيها .. ثم ترسلها للذاكرة الدائمة.. أكتر من 7 بيحصل حاجة زي overflow of data والمتلقي يفقد تركيزه .. زي بالظبط لما تحاولي تحفظي رقم تليفون مكون من 10 أرقام يبقى صعب عليكي لكن لو قسمتيه لأجزاء كل جزء عبارة عن رقمين مثلاً هاتحفظيه بسهولة .. دي معلومة مهمة لكل المدرسين بلاش نشرح ورا بعض كمية كبيرة من المعلومات ونتصور ان الطالب هيقدر يحافظ على تركيزه .. علمياً مش هيقدر وهيجيله احباط ويشك في نفسه ان هو اللي مش عارف يركز..
آخر نقطة مهمة ومطلوبة من المحاضر انه يفصل كل 8 دقايق أو أكثر قليلاً (8 minute cycle) عشان يقدر الطالب يواصل معاه..
آخر حاجة شوية نصايح:
* اعتني بغذائك جيداً .. اهتمي بمضادات الأكسدة زي المكسرات والخضروات الورقية والفواكه خاصة الحمراء والبنفسجي والقمح الكامل والحبوب الكاملة زي الرز البني.. والتونة والسلمون..
* كلي زبيب وعين جمل ولوز وتمر بيزودوا التركيز جداً..
* قللي الكافيين لأنه يرهق الجهاز العصبي..وقللي السكريات كمان..
* قبل المحاضرة ابعدي عن الفول والطعمية .. بجد بينيموا
* أكثري من شرب الماء يعني في اليوم لا يقل عن 2 لتر لا يدخل فيها عصائر ولا أي مشروبات أخرى..
* اعملي تحاليل دورية اهمها صورة دم كاملة عشان لو فيه أنيميا تلحقي تعالجيها .. علاجها يأخذ 3 شهور على الأقل .. يعني ممكن تؤثر على نتيجة تيرم !!
* نامي بدري واصحي بدري (دي أنا مش عارفة أنفذها بس بجد مهمة
* أثناء المذاكرة افصلي كل نصف ساعة واعملي حاجة تانية خاصة لو كان نمطك حركي
* غيري مكان المذاكرة لمكان يساعدك على التركيز مثلاً خلي مكتبك وجهه للحائط
* عودي نفسك على القراءة في ظروف مختلفة .. هدوء .. دوشة .. تليفزيون .. أطفال جنبك
* في وقت الفراغ تعلمي عمل الاكسسوارات أو الكروشيه .. بيساعدوا على تدريب المخ على التركيز
*اعملي التمرين ده: الصقي ستيكر صغير على الحائط أمامك وركزي نظرك عليه لأطول فترة ممكنة .. خلي هدفك ان مدة تركيزك تزيد كل يوم
اتبع الرابط ده لمعرفة نمط التعلم الخاص بك وفعلاً هو ده الخطوة الأولى للحصول على تركيز عال:
http://www.educationplanner.org/students/self-assessments/learning-styles-quiz.shtml
#مش_عارف_أركز
ليست هناك تعليقات:
إرسال تعليق