أخدت قرار اللي يعرفوني شخصياً هيستغربوه .. قررت منع كل الحلويات والبسكوتات والشيكولاتات والمصاصات .. كله بمعنى كله 
.. بس كان لازم عشان صحة الولاد ..
الحاجات دي بتشبعهم فمش بياكلوا الأكل الصحي .. وكمان كلها مواد حافظة وألوان صناعية مضرة .. الاتنين حالياً borderline anemic وربنا يستر ومايكونش فيه حاجة تاني
الأهم بقى اني قرأت ان الحلويات المصنعة ليها علاقة مباشرة بزيادة الحركة عند الأطفال الحركيين خاصة وعشان كده مصطفى بيعمل حاجات عجيبة لما بياكل حلويات .. حقيقي مش بتبقى مجرد حركة ظريفة زي ما بعض الناس بتقول طفل حركي دمه زي العسل .. لا.. مش بيبقى دمه خفيف .. بيبقى متعب جداً
الحركة الزيادة حقيقي مرهقة نفسياً لكل اللي جرب انه يتعامل مع طفل حركي .. بتستنزف الأعصاب .. تتطلب هدوء نفسي وتكبير دماغ وتحكيم للعقل وإغداق بالمشاعر .. خللينا نكون واقعيين .. احنا مش مثاليين .. احنا بشر .. ممكن تحاولي تكوني هادية وتتعاملي زي الكتاب ما بيقول بس مش هتقدري تكوني كده "طول" الوقت .. انتي كمان عليكي ضغوط وممكن تفقدي أعصابك .. دي تجربتي الخاصة مع ابني اللي بادعي في كل وقت ربنا يهدي سره .. تجربتي دي مش دايماً ناجحة ورائعة ومميزة ولا أدعي ذلك .. لما باعمل فكرة وتنجح معاه باقول وكمان لما باحس اني تعبت باقول ..
أنا حالياً تعبت فعلاً وبدأت أدور بشكل أوسع وأبحث بشكل منهجي وماحدش يقولي دكاترة .. أصل للاسف الموضة دلوقتي أي طفل ساكت يقولوا عنده توحد .. وأي طفل حركي يقولوا فرط حركة وتشتت انتباه ADHD واديله أدوية .. ممكن تكون آثارها الجانبية أكبر وتسبب أمراض أصعب .. فأنا بادور بنفسي وأسأل الله أنه يهديني ويهديه
المهم حبيت اقولكم .. جربوا منع الحلويات المصنعة ... الولاد عندي اقتنعوا بعد ما قرأت لهم المكونات المكتوبة على الأنواع اللي بيحبوها ولقوا انها حاجات غريبة وأسماء غير مفهومة .. وبعدها قارنت بالحلوى المصنوعة في البيت اللي هما عارفين مكوناتها وضامنينها .. ورجعت تاني أعمل لهم كيكات وبسكوتات في البيت وأشركهم معايا .. انبسطوا جداً الحمد لله..
كمان مافيش مصروف الفترة دي لغاية ما المدرسة تخلص عشان مايشتروش حاجة من المدرسة ..
ربنا يسهل وأقدر أكمل
.. بس كان لازم عشان صحة الولاد .. الحاجات دي بتشبعهم فمش بياكلوا الأكل الصحي .. وكمان كلها مواد حافظة وألوان صناعية مضرة .. الاتنين حالياً borderline anemic وربنا يستر ومايكونش فيه حاجة تاني
الأهم بقى اني قرأت ان الحلويات المصنعة ليها علاقة مباشرة بزيادة الحركة عند الأطفال الحركيين خاصة وعشان كده مصطفى بيعمل حاجات عجيبة لما بياكل حلويات .. حقيقي مش بتبقى مجرد حركة ظريفة زي ما بعض الناس بتقول طفل حركي دمه زي العسل .. لا.. مش بيبقى دمه خفيف .. بيبقى متعب جداً
الحركة الزيادة حقيقي مرهقة نفسياً لكل اللي جرب انه يتعامل مع طفل حركي .. بتستنزف الأعصاب .. تتطلب هدوء نفسي وتكبير دماغ وتحكيم للعقل وإغداق بالمشاعر .. خللينا نكون واقعيين .. احنا مش مثاليين .. احنا بشر .. ممكن تحاولي تكوني هادية وتتعاملي زي الكتاب ما بيقول بس مش هتقدري تكوني كده "طول" الوقت .. انتي كمان عليكي ضغوط وممكن تفقدي أعصابك .. دي تجربتي الخاصة مع ابني اللي بادعي في كل وقت ربنا يهدي سره .. تجربتي دي مش دايماً ناجحة ورائعة ومميزة ولا أدعي ذلك .. لما باعمل فكرة وتنجح معاه باقول وكمان لما باحس اني تعبت باقول ..
أنا حالياً تعبت فعلاً وبدأت أدور بشكل أوسع وأبحث بشكل منهجي وماحدش يقولي دكاترة .. أصل للاسف الموضة دلوقتي أي طفل ساكت يقولوا عنده توحد .. وأي طفل حركي يقولوا فرط حركة وتشتت انتباه ADHD واديله أدوية .. ممكن تكون آثارها الجانبية أكبر وتسبب أمراض أصعب .. فأنا بادور بنفسي وأسأل الله أنه يهديني ويهديه
المهم حبيت اقولكم .. جربوا منع الحلويات المصنعة ... الولاد عندي اقتنعوا بعد ما قرأت لهم المكونات المكتوبة على الأنواع اللي بيحبوها ولقوا انها حاجات غريبة وأسماء غير مفهومة .. وبعدها قارنت بالحلوى المصنوعة في البيت اللي هما عارفين مكوناتها وضامنينها .. ورجعت تاني أعمل لهم كيكات وبسكوتات في البيت وأشركهم معايا .. انبسطوا جداً الحمد لله..
كمان مافيش مصروف الفترة دي لغاية ما المدرسة تخلص عشان مايشتروش حاجة من المدرسة ..
ربنا يسهل وأقدر أكمل
ليست هناك تعليقات:
إرسال تعليق