نصائح للطلبة المصابين بالقلق
------------------------------
1- لما تحس انك بدأت مشاعر القلق والتوتر اقف مع نفسك لحظة وكلمها كلام ايجابي.. قول أنا أقدر .. أنا قدها .. كلامنا مع نفسنا عامل مهم في التحكم في التوتر
2- درب نفسك على التنفس بهدوء
3- لو وجودك وسط قاعة تدريس كبيرة مزدحمة يسبب لك توتر حاول تختار مكان قرب الباب ولو تقدر تسجل المحاضرات سجلها صوتياً عشان تقدر ترجع لها لما تحتاج
4- عندك مذاكرة كتييييييييييييير جداً قسمها لأجزاء صغيرة يعني ماتقولش المفروض أذاكر 50 صفحة مثلاً .. لا قسمها ل 5 أجزاء كل جزء 10 صفحات .. او قسمها sheets أو chapters حسب طبيعة المادة
5- أثبتت معظم الأبحاث ان فترة الانتباه في مرحلة الشباب تصل إلى 40 دقيقة .. عود نفسك تفصل كل نصف ساعة .. اشرب حاجة ..ساعدي مامتك في حاجة سريعة .. انزل صلي في المسجد ..اطلع في البلكونة
6- التسويف هو عدوك الأول .. لو مش قادر تبدأ جزء تقيل على قلبك اقنع نفسك بإنك هتذاكر 5 دقايق بس .. غالباً بتقدر تكمل ولو ماكملتش انت استفدت بال 5 دقايق
7-لا تكن العدو الأكبر لنفسك .. التزم لكن بدون قسوة على نفسك .. تقبل فكرة ان كلنا تواجهنا صعوبات ومشاكل في فترة التعلم وفكر ازاي تواجهها بعقلك
8- قلل من شرب أي حاجة فيها كافيين لأنه هيزود القلق والتوتر ويضغط أكتر على جهازك العصبي
9- افتكر انك مش لوحدك .. ممكن يكون جنبك حد بيعاني أكتر منك .. ابدأ بالكلام مع اللي حواليك
10- نظم مواعيد الأكل والنوم وكمان لازم رياضة .. ماتقولش مافيش وقت .. المشي نصف ساعة في اليوم ثبت علمياً انه يقلل التوتر والقلق.. أما النوم المتقطع والأكل غير الصحي فهيكونوا سبب في زيادة معدل القلق
أهم من كل ده التوجه لرب العالمين بالدعاء لنفسك ولزمايلك .. ركعتين قيام في جوف الليل وصفحة من القرآن كل يوم +الأذكار طبعاً .. مساعدة زملائك مهمة وهتثبت المعلومة في دماغك .. لا تكتم علماً
وبالتوفيق ليكم جميعاً
ليست هناك تعليقات:
إرسال تعليق