من واقع التصحيح

----- > ازاي المصحح يحب ورقتك؟
1- التزم بتعليمات ورقة الأسئلة وأي تعليمات قالها المحاضر/المعلم في قاعة التدريس
2- حل بنظام وترتيب وحسن خطك وسطر ربنا يكرمك
3- أظهر انك حضرت المحاضرة بانك تزود في اجابتك بعض كلام المحاضر بأسلوبه
4- لو مش متأكد من معلومة ماتكتبهاش عشان ما تضايقش المصحح ويقول عليك مش فاهم
لو عملت كده ان شاء الله تضمن النجاح وممكن تقدير كمان على حسب مستواك
----- > ازاي بقى تخليه يكره ورقتك ويفضل يدعي عليك طول ما هو بيصحح؟
1- لا تلتزم بتعليماته مثلاً لو قال ماتكتبش بقلم رصاص جيب أخف قلم رصاص عندك واعميه!!
2- حل بدون ترتيب وبأسوأ خط عندك وزود العك على قد ما تقدر !!
3- حل من ورق دروس مش بطريقة الدكتور !!
4- اكتب أكبر كم ممكن كلمتين صح على كلمتين غلط تخلي المصحح مش فاهم انت عايز تقول ايه أساساً !!
5- بين في حلك انك حافظ مش فاهم يعني لو الدكتور جاب مسألة فيها شبه من مسألة الشيت حل مسألة الشيت وسيبك من مسألة الامتحان خالص !!!!!
6- لو بتحل مسألة حط القوانين والخطوات وماتعوضش بأرقام .. انتي بتحكي حكاية .. انت مش في امتحان .. كتر خيرك انك عارف الخطوات وحفظت القوانين .. كمان هاتعوض .. كده كتير الصراحة !!
بس كده وأبشرك بالسقوط المتين في المادة .. ماتنساش تعمل النصايح اللي فوق عشان تنجح المرة الجاية يا هندسة
#من_واقع_التصحيح
#التصحيح_فيه_سم_قاتل
#كفاية_تصحيح_أنا_تعبت
#كرهتوني_في_المادة_اللي_بحبها