اتفرجنا عليه في العيد والحقيقة انه فيلم جميل ورائع زي توأمه Finding Nemo
هاقولكم بعض ال quotes اللي أثرت فيا جداً وانا باتفرج عليه وليها علاقة كبيرة بالمواضيع اللي باكتب عنها وأهمها تربية الأطفال وفهم الذات :
1- في الفيلم هنقابل دوري وهي بيبي وهنشوف باباها ومامتها وازاي كانوا مهتمين بيها جداً لأنها كانت مريضة بداء النسيان .. كانوا بيحاولوا يساعدوها بكل طريقة ممكنة ومنها انهم علموها انها لو تاهت تقول الجملة المحفوظة
I suffer from short term memory loss
وكمان كانوا بيعلموها ازاي ترجع للبيت بانهم عملوا علامات مميزة ترشدها .. لما نجحت انها ترجع للبيت عن طريق العلامات دي مامتها قالت لها :
"It means you can do whatever you put your mind to."
يعني انتي لما تحطي حاجة في دماغك لازم هاتعمليها
كانوا بيشجعوها وبيعلموها ومع ذلك سمعت في يوم مامتها بتبكي خوفاً عليها لأنها قلقت على بنتها ازاي هتقدر تعيش حياتها وهي مصابة بالمرض ده
كلنا بنمر بنفس المشاعر دي من الخوف على ولادنا والقلق عليهم خاصة لو كانوا مرضى أو عندهم أي احتياجات خاصة .. دي مشاعر طبيعية جداً وماينفعش نقاومها .. لكن برضه ماينفعش نستسلم ليها .. لازم نحاول نبحث عن طرق تعلم ولادنا الاستقلالية وازاي يحموا نفسهم ويعتمدوا على نفسهم من وقت مبكر .. ده هيديهم ثقة في نفسهم يكملوا بيها الحياة وفي نفس الوقت هيطمن قلوبنا عليهم
التشجيع كمان في غاية الأهمية والكلام الإيجابي ليه تأثير السحر على نفس الإنسان وجربي تركزي مع ولادك وانتي بتقولي لهم كلام إيجابي هتلاقي وشهم بينور وعينيهم بتلمع .. أما لو قلت كلام سلبي هتلاقي الطفل بينكمش في نفسه وعينيه كلها حزن ومش قادر يواجهك
أنا فاكرة بابا الله يرحمه كان بيقوللي نفس كلمة مامت دوري من وأنا طفلة .. عشان كده لما سمعتها بكيت .. الكلمة دي محفزة للغاية وخاصة وقت الأزمات .. تعالوا نتعود نقولها لولادنا خاصة ككلمة تشجيعية لما يسمى بالطفل العنيد
2- تاني حاجة عجبتني في الفيلم كلام لبابا دوري انعكس على شخصيتها .. قالها :
"When something is too hard, you shouldn't just give up…..There is always another way."
لما الأمور تبقى صعبة قوي يبقى لازم يكون فيه طريقة تانية للحل .. طبعاً كلام رائع وفضل معلق معاها وكان من ضمن كلامها المتكرر لمارلين كل ما يأيس انه يلاقي ابنه نيمو في الجزء الأول .. دي نقطة تانية جميلة محتاجين نزرعها في أولادنا عدم الاستسلام لليأس .. لو "قفلت" معاك لازم تحاول تاني .. أكيد في طريقة هاتنجح .. ده هيعودهم يكونوا problem solvers بالفطرة
3- كان فيه شخصية حوت اسمها Destiny كانت في معهد الأحياء البحرية كانت مسجونة في حوض ضيق عليها كل ما تنطلق في السباحة زي أي حوت كانت تتخبط في الحيطة لدرجة انها طول الفيلم بتشك في نفسها انها مش بتعرف تسبح كويس .. وكأن العيب فيها مع ان العيب في البيئة اللي حواليها لكن هي مالاحظتش ده لأنها ماشفتش مكان تاني .. كان معاها حوت تاني في آخر الفيلم لما طلعوا للمحيط كانت خايفة انها ماتعرفش تعوم .. قالها "Believe me, Ocean has no walls
طبعاً احنا كلنا في وقت من حياتنا ممكن نفكر زي Destiny ونقول العيب فينا ونفقد الثقة في قدراتنا .. ممكن طالب دخل كلية مش من ضمن ميوله وللأسف بيسقط
أو انسان أجبر يشتغل شغل مش لاقي نفسه فيه وبالتالي مش قادر ينجح .. أو ست تزوجت من راجل طول الوقت يحسسها انها أقل من كل اللي حواليها ومش ممكن تنجح وبيعايرها أو طفل بنطلب منه يطلع الأول في الدراسة وهو متميز في الرياضة أو الفنون أكتر بس احنا حطيناه في قالب معين وحصرنا قدراته
لو مش حاسس بالنجاح في دراسة أو شغل .. لو نتيجة ثانوية عامة طلعت ومادخلتش الكلية اللي نفسك فيها اوعى تقول هي دي قدراتي .. أنا مش كفؤ والعيب فيا وليس في الإمكان أبدع مما كان .. خللي طموحك للسما واتعلم مهارات تانية .. افضل جرب لغاية ما تلاقي نفسك وتحقق النجاح اللي انت تستحقه .. مافيش انسان فاشل .. فيه واحد بيفشل نفسه بإنه يستسلم للواقع و"يكتف" نفسه ويقول أنا قدري كده .. بدون ما ياخد بالأسباب ويحاول ويعافر مهما كانت الظروف اللي حواليه وينطلق في "محيط" الحياة اللي مافيهوش حيطان
اتفرجوا على الفيلم ده مع ولادكم ويا ريت تشاركوهم الأفكار دي عشان مش بس يكون ترفيه وتسلية وإنما بالتفكير نقدر نتعلم حتى من فيلم كارتون للأطفال
#FindingDory
#Reflections
#Quotes
هاقولكم بعض ال quotes اللي أثرت فيا جداً وانا باتفرج عليه وليها علاقة كبيرة بالمواضيع اللي باكتب عنها وأهمها تربية الأطفال وفهم الذات :
1- في الفيلم هنقابل دوري وهي بيبي وهنشوف باباها ومامتها وازاي كانوا مهتمين بيها جداً لأنها كانت مريضة بداء النسيان .. كانوا بيحاولوا يساعدوها بكل طريقة ممكنة ومنها انهم علموها انها لو تاهت تقول الجملة المحفوظة
I suffer from short term memory loss
وكمان كانوا بيعلموها ازاي ترجع للبيت بانهم عملوا علامات مميزة ترشدها .. لما نجحت انها ترجع للبيت عن طريق العلامات دي مامتها قالت لها :
"It means you can do whatever you put your mind to."
يعني انتي لما تحطي حاجة في دماغك لازم هاتعمليها
كانوا بيشجعوها وبيعلموها ومع ذلك سمعت في يوم مامتها بتبكي خوفاً عليها لأنها قلقت على بنتها ازاي هتقدر تعيش حياتها وهي مصابة بالمرض ده
كلنا بنمر بنفس المشاعر دي من الخوف على ولادنا والقلق عليهم خاصة لو كانوا مرضى أو عندهم أي احتياجات خاصة .. دي مشاعر طبيعية جداً وماينفعش نقاومها .. لكن برضه ماينفعش نستسلم ليها .. لازم نحاول نبحث عن طرق تعلم ولادنا الاستقلالية وازاي يحموا نفسهم ويعتمدوا على نفسهم من وقت مبكر .. ده هيديهم ثقة في نفسهم يكملوا بيها الحياة وفي نفس الوقت هيطمن قلوبنا عليهم
التشجيع كمان في غاية الأهمية والكلام الإيجابي ليه تأثير السحر على نفس الإنسان وجربي تركزي مع ولادك وانتي بتقولي لهم كلام إيجابي هتلاقي وشهم بينور وعينيهم بتلمع .. أما لو قلت كلام سلبي هتلاقي الطفل بينكمش في نفسه وعينيه كلها حزن ومش قادر يواجهك
أنا فاكرة بابا الله يرحمه كان بيقوللي نفس كلمة مامت دوري من وأنا طفلة .. عشان كده لما سمعتها بكيت .. الكلمة دي محفزة للغاية وخاصة وقت الأزمات .. تعالوا نتعود نقولها لولادنا خاصة ككلمة تشجيعية لما يسمى بالطفل العنيد
2- تاني حاجة عجبتني في الفيلم كلام لبابا دوري انعكس على شخصيتها .. قالها :
"When something is too hard, you shouldn't just give up…..There is always another way."
لما الأمور تبقى صعبة قوي يبقى لازم يكون فيه طريقة تانية للحل .. طبعاً كلام رائع وفضل معلق معاها وكان من ضمن كلامها المتكرر لمارلين كل ما يأيس انه يلاقي ابنه نيمو في الجزء الأول .. دي نقطة تانية جميلة محتاجين نزرعها في أولادنا عدم الاستسلام لليأس .. لو "قفلت" معاك لازم تحاول تاني .. أكيد في طريقة هاتنجح .. ده هيعودهم يكونوا problem solvers بالفطرة
3- كان فيه شخصية حوت اسمها Destiny كانت في معهد الأحياء البحرية كانت مسجونة في حوض ضيق عليها كل ما تنطلق في السباحة زي أي حوت كانت تتخبط في الحيطة لدرجة انها طول الفيلم بتشك في نفسها انها مش بتعرف تسبح كويس .. وكأن العيب فيها مع ان العيب في البيئة اللي حواليها لكن هي مالاحظتش ده لأنها ماشفتش مكان تاني .. كان معاها حوت تاني في آخر الفيلم لما طلعوا للمحيط كانت خايفة انها ماتعرفش تعوم .. قالها "Believe me, Ocean has no walls
طبعاً احنا كلنا في وقت من حياتنا ممكن نفكر زي Destiny ونقول العيب فينا ونفقد الثقة في قدراتنا .. ممكن طالب دخل كلية مش من ضمن ميوله وللأسف بيسقط
أو انسان أجبر يشتغل شغل مش لاقي نفسه فيه وبالتالي مش قادر ينجح .. أو ست تزوجت من راجل طول الوقت يحسسها انها أقل من كل اللي حواليها ومش ممكن تنجح وبيعايرها أو طفل بنطلب منه يطلع الأول في الدراسة وهو متميز في الرياضة أو الفنون أكتر بس احنا حطيناه في قالب معين وحصرنا قدراته لو مش حاسس بالنجاح في دراسة أو شغل .. لو نتيجة ثانوية عامة طلعت ومادخلتش الكلية اللي نفسك فيها اوعى تقول هي دي قدراتي .. أنا مش كفؤ والعيب فيا وليس في الإمكان أبدع مما كان .. خللي طموحك للسما واتعلم مهارات تانية .. افضل جرب لغاية ما تلاقي نفسك وتحقق النجاح اللي انت تستحقه .. مافيش انسان فاشل .. فيه واحد بيفشل نفسه بإنه يستسلم للواقع و"يكتف" نفسه ويقول أنا قدري كده .. بدون ما ياخد بالأسباب ويحاول ويعافر مهما كانت الظروف اللي حواليه وينطلق في "محيط" الحياة اللي مافيهوش حيطان
اتفرجوا على الفيلم ده مع ولادكم ويا ريت تشاركوهم الأفكار دي عشان مش بس يكون ترفيه وتسلية وإنما بالتفكير نقدر نتعلم حتى من فيلم كارتون للأطفال
#FindingDory
#Reflections
#Quotes
ليست هناك تعليقات:
إرسال تعليق