تجربة الترجمة على كورسيرا

بدأت انهاردة تجربة جديدة جميلة جداً قلت أقولكم عليها .. موقع كورسيرا عامل منتدى كبير لترجمة الكورسات الخاصة بالموقع للغات المختلفة .. المقصود بالترجمة الsubtitles اللي بتظهر تحت في الفيديوهات.. طبعاً كورسات قليلة جداً اللي ليها ترجمة باللغة العربية وأكتر لغة ليها ترجمات هي اللغة الصينية
الحمد لله اشتركت في المنتدى بنية شكر نعمة العلم واللغة وكمان بنية المساهمة في توصيل العلم النافع لقطاع كبير من الناطقين باللغة العربية اللي نفسهم يتعلموا بس اللغة الإنجليزية بتقف حائل بينهم وبين الاستزادة من العلم وكمان يكون لي مكان في مجال تعريب العلوم

بدأت ترجمة كورس هندسي في مجال مهتمة أدخل فيه في البحث العلمي قريباً ان شاء الله وبكده انا كمان باستفيد وبعده ناوية ان شاء الله أدخل في كورسات العلوم الهندسية الأساسية زي الميكانيكا وتحليل الإجهادات
الموقع اسمه Global translator community
https://translate-coursera.org
طبعاً العمل ده تطوعي بدون أجر .. اللي عنده اهتمام انه ينضم لازم يكون fluent في اللغة الإنجليزية واللغة العربية الفصحى .. ويفضل انك تختار كورسات مناسبة لتخصصك عشان تكون المصطلحات سهلة عليك ويكون برضه معاك قاموس إنجليزي- عربي خاص بمصطلحات التخصص يعني طبي - هندسي - حاسب ..... حسب تخصصك
اللي عرفني بالموضوع البوست ده ل @Amira Yusuf جزاها الله خيراً
https://www.facebook.com/photo.php?fbid=1217046234981742&set=a.103649169654793.7555.100000291322272&type=3&theater